Американскиот претседател Џо Бајден се очекува подоцна денеска да објави забрана за американски увоз на руска нафта, јавува Би-Би-Си.
Соопштението се очекува како последна санкција како одговор на инвазијата на Москва на Украина.
Белата куќа соопшти дека Бајден ќе зборува во 15:45 часот со цел „најава на нови активности кон Русија за нејзината неиспровоцирана и неоправдана војна против Украина“.
Администрацијата на Бајден беше под зголемен притисок од американските пратеници да го преземе овој чекор.