Државниот инспекторат на Хрватска денеска итно извести за повлекување на неколку производи од познатиот бренд за бебешка храна „Аптамил“ (Aptamil). Причината за повлекувањето е утврденото присуство на токсинот цереулид.
Оповикувањето опфаќа широк спектар на производи, вклучувајќи млечни формули за различни возрасти и со различни грамажи.
Детална листа на повлечени производи
Родителите се повикуваат да ги проверат лот-броевите (сериските броеви) на пакувањата. Се повлекуваат следниве производи:
- Aptamil AR 2 (400 грама): Лот 20261106, со рок на траење до 06.11.2026.
- Aptamil Pronutra 3 (800 грама): Пет различни серии – Лот 20260619, 20260718, 20260910, 20261129 и 20261218 (со рокови во 2026 година).
- Aptamil Pronutra 2 (800 грама): Пет различни серии – Лот 20260619, 20260719, 20260908, 20261130 и 20261219.
- Aptamil Pronutra 1 (800 грама): Лот 20260727 и Лот 20261127.
- Големи пакувања (1,2 кг / 2х600гр):
- Aptamil Pronutra 2: Лот 20261212 и Лот 20270218.
- Aptamil Pronutra 1: Лот 20261211.
Причини и потекло
Инспекторатот наведе дека производите не се во согласност со европските регулативи за безбедност на храната. Добавувач на спорните производи е холандската компанија „Nutricia Export BV“, а дистрибутер за Хрватска е „AWT International d.o.o.“ од Загреб.
