На пругата меѓу Шабац и Лозница денеска околу 13 часот дошло до судир на воз и камион, кој не застанал правилно на патниот премин обезбеден со сигнализација, соопшти компанијата „Србија Карго“.
Во судирот нема повредени, но причинета е поголема материјална штета на локомотивата, се додава во соопштението.
На местото на настанот излегле екипи на МВР и мешовитата комисија „Железничка инфраструктура на Србија“ и „Србија Карго“ кои ќе ја утврдуваат причината за вонредниот настан.
Таа компанија испрати апел да се почитуваат сите прописи и сообраќајна сигнализација, бидејќи тоа е „единствениот начин да се спречат вакви несреќи и да се спасат човечки животи“.