Британскиот министер за надворешни работи Дејвид Камерон пристигна во посета на Косово, објави весникот „Коха диторе“.
Тој синоќа беше пречекан од неговата косовска колешка Доника Гарвала-Шварц.
Во моментов двајцата одржуваат средба, по што се очекува да дадат изјава за медиумите.
За време на посетата на Косово, Камерон ќе се сретне со претседателката на Косово, Вјоса Османи, и со премиерот на земјата, Албин Курти.
Камерон беше премиер на Обединетото Кралство од 2010 до 2016 година, а од ноември 2023 година беше министер за надворешни работи .
