Неколку патници беа повредени откако авион на „Етихад ервејс“ денес наиде на турбуленции додека се подготвуваше да слета на меѓународниот аеродром Пукет во Тајланд.
Не се објавени детали за повредите, објави „Стрејтс тајмс“.
Според соопштението од аеродромот, летот EY416 од Абу Даби, со 160 патници во него, наиде на турбуленции околу 11:30 часот наутро додека кружеше за да добие дозвола за слетување.
Потоа капетанот ја контактирал контролната кула и побарал итна медицинска помош за повредените.
Авионот слета безбедно во 11:51 часот наутро, по што службениците на аеродромот почнаа да им помагаат на патниците.