За време на невремето што денеска во раните утрински часови ја зафати Хрватска, во Сплит и неговата околина паднаа повеќе од пет сантиметри голем град.
Откако невремето ја зафати внатрешноста на Козјак и дел од Каштела, меѓу 1 и 2 часот по полноќ невреме со силен град го зафати Сплит и неговата околина, објави порталот dalmacijadanas.hr.
Олујниот облак достигна висина од седум километри додека се движеше над Сплит. Прво го зафати западниот дел на полуостровот, а потоа постепено се пресели на исток.
Силно невреме потоа ја зафати Жрновница. Таму наврнале повеќе од 20 литри врнежи за само 30 минути на метар квадратен, помалку дожд и повеќе град. Ледените наноси на тој простор беа на места повисоки и од 20 сантиметри, а за жал се очекуваат значителни штети во земјоделството.
На Динара температурата на воздухот повторно се спушти на нула, па на повисоките места падна нов снег.