Доколку ги помилувате луѓето кои се обидоа да ги убијат претставниците на повеќе од 500 илјади граѓани, тогаш зошто да не не помилувате и нас…
Ова е пораката која затворениците од затворот “Идризово“ му ја испратија на премиерот Заев, кој не ја отфрли можност за амнестија за 27 април.
-Имајќи ја предвид политичката состојба во земјата, обидот за “Национално помирување“ за помилување “ на терористите и криминалците“ од 27 април кои се обидоа да ги убијат преставниците на повеќе од 500 илјади граѓани во земјава, што ја прегазија највисоката институција – законодавниот дом на РМ, бараме во рамките на законот за амнестија да не опфатите и нас.
Сето ова е потребно од повеќе други причини, на пример – Гледаме дека нашата земја оди во правец на судските реформи, уставните промени, преполните затвори и лошите услови (катастрофални) во затворите.
Базирано на овие околности сите затвореници од затворите на РМ го поднесуваме ова барање за сите категории на затвореници.
Сигурни сме дека и вие самите ја знаете состојбата на затворите во земјата, сведоци сте на тоа како следеа “казните со препорака“ од претходната власт. Поради овие и поради други причини, се надеваме дека ќе ги прифатите нашите барања.
Целиот прилог ќе можете да го проследите вечерва во информативниот магазин на ТВ21.
