Поранешниот министер за здравство Венко Филипче на својот Фејсбук профил посочи дека специјалната болница „Св.Еразмо” во Охрид за прв пат доби неврохируршки микроскоп.
Според Филипче, овој софистициран микроскоп дава прецизна и детална слика на оперативното поле.
„Денеска со моите колеги д-р Милошевски и д-р Миќуновиќ, со хируршкиот микроскоп извршивме операција на тумор на мозок. Овој софистициран микроскоп дава прецизна и детална слика на оперативното поле. Сега и во болницата ,,Св. Еразмо” со помош на овој современ метод и експертизата на лекарите ќе може да се вршат тешки операции од областа на неврохирургијата, а пациентите нема да треба да патуваат во Скопје за оперативни зафати. На моите колеги им поскаувам успех во понатамошната работа, а на пациентот кој денеска го опериравме што побрзо опоравување“, додава Филипче.