Претседателката Гордана Сиљановска-Давкова утре ќе биде домаќин на генералниот секретар на НАТО, Марк Руте, кој доаѓа во својата прва официјална посета на земјава откако застана на чело на Алијансата. Според најавите, тој ќе оствари средби со државниот врв и ќе присуствува на армиска вежба.
Ова се случува во моменти кога САД и Израел го нападнаа Иран.
Работната агенда на генералниот секретар ќе започне во Кабинетот на претседателката, каде што ќе биде пречекан со највисоки државни и воени почести.
- Програмата предвидува тет-а-тет средба меѓу Сиљановска-Давкова и Руте.
- Потоа ќе следи пленарен состанок помеѓу македонската делегација и делегацијата на НАТО.
- За попладневните часови е закажана заедничка прес-конференција на која ќе бидат соопштени деталите од разговорите.
Средби со премиерот, спикерот и армиска вежба
Освен средбата со шефицата на државата, првиот човек на НАТО ќе има интензивна агенда и со останатите претставници на власта.
- Предвидени се официјални средби со премиерот Христијан Мицкоски и со претседателот на Собранието, Африм Гаши.
- Како дел од безбедносниот аспект на посетата, Руте ќе присуствува и на специјална показна вежба на Армијата.
Историјат на посетите
Ова е прво доаѓање на Марк Руте во Скопје во својство на генерален секретар на Северноатлантската алијанса.
Инаку, Руте претходно престојуваше во Северна Македонија во ноември 2021 година, но тогаш во функција на премиер на Холандија. Последната посета на прв човек на НАТО во земјава се случи во 2023 година, кога во официјална посета престојуваше неговиот претходник, Јенс Столтенберг.
