Африканската свинска треска, разорна заразна болест која ги погодува домашните и дивите свињи, се појави во градот Јагодњак во Барања, потврдија хрватското Министерство за земјоделство и локалниот штаб за цивилна заштита.
Како што објави Дневникот на хрватската ТВ станица Нова, ова е прв пат африканска свинска треска да се појави во Барања, која е позната по производството на кулен.
Африканската свинска треска е заразна болест со катастрофални последици за домашните и дивите свињи.
Вирусот е целосно безопасен за луѓето, но предизвика значителни социо-економски проблеми во многу земји, пренесува Танјуг.
