Снабдувањето со вода и електрична енергија низ Киев сега е обновено по вчерашните руски напади кои оставија многу жители на главниот град на Украина без струја и вода. Ова го соопшти градоначалникот Виталиј Кличко, цитиран од Франс прес.
Снабдувањето со вода и струја „целосно е обновено“, напиша Кличко во „Телеграм“.
„Сепак, се воведуваат исклучувања, бидејќи дефицитот во енергетскиот систем (. . .) е значителен“, прецизира тој, цитиран од ТАСС.
Според очевидци, денеска имало „сериозен прекин“ во местата на снабдување со електрична енергија и вода во Киев.
Масовните руски удари врз локациите на украинската инфраструктура вчераутро оставија 80 отсто од жителите на главниот град без вода, а 350.000 домаќинства останаа без струја.