Американскиот претседател Доналд Трамп денес изјави дека американските трупи нема да бидат распоредени да ја бранат границата на Украина според никаква безбедносна гаранција што произлегува од мировниот договор за ставање крај на руската инвазија.
Во интервју за „Фокс њуз“, тој рече дека европските сојузници се подготвени да ги испратат своите војници на копно во Украина како дел од безбедносната гаранција и дека САД се „подготвени да им помогнат со работи“.
„Кога станува збор за безбедносни гаранции, тие (ЕУ) се подготвени да испратат луѓе на копно. Ние сме подготвени да им помогнеме, особено, можеби, во воздух. Бидејќи никој нема работи што ги имаме ние“, рече тој.
Трамп: Средбата меѓу Путин и Зеленски е речиси договорена, САД нема да испраќаат војници во Украина
