Американскиот претседател Доналд Трамп денес повторно се закани дека ќе воведе царини за членовите на БРИКС, велејќи дека групата ќе биде „брзо завршена“ доколку некогаш сериозно се формира.
„Кога слушнав за оваа група БРИКС, тие шест земји… ги погодив многу, многу силно. И ако некогаш навистина сериозно се обединат, тоа брзо ќе заврши“, рече Трамп, без директно да ги именува земјите, објави Ројтерс.
Тој изјави дека е посветен на зачувување на статусот на американскиот долар како глобална резервна валута и рече дека никогаш нема да дозволи воведување на дигитална валута на централната банка (CBDC) во Соединетите Држави.
Трамп за БРИКС: Ако сериозно се обединат, тоа ќе заврши брзо
