Туниската крајбрежна стража денеска соопшти дека осуетила 37 обиди на мигрантите да ја преминат морската граница и спасила 455 мигранти за време на неколку операции во текот на ноќта кај северниот, источниот и јужниот брег на земјата.
Од 455 спасени мигранти, 289 се од потсахарските држави, а другите се државјани на Тунис.
Се вчитува...
Според туниски извори, минатата година 15.671 мигрант успеале да пристигнат до Италија од тунискиот брег, а во 2020 година нивниот број изнесувал 12.883.
Италија е една од главните влезни точки во Европа за мигрантите од Северна Африка, кои главно пристигнуваат од Тунис и Либија.
