Утрово во Сисак, Хрватска уапсено е едно лице откако се случи пукање, како што потврдија од полицијата, неколку лица се повредени, а едно лице починало.
По пукањето напаѓачот со часови бил во бегство, а нешто по 1 часот по полноќ бил уапсен.
Во престрелката е убиена 45-годишна жена, додека четири лица се ранети. Лекарска помош им е укажана во Општата болница Сисак, каде е констатирано дека се тешко повредени. Медицинска помош им била укажана на две лица, меѓу кои и едно дете, кои биле полесно повредени додека бегале.
„Човекот кој е поврзан со пукањето во областа Сисак е уапсен, тој е донесен во службените простории на полицијата и против него ќе се води кривична истрага. Во престрелката е убиена 45-годишна жена , додека четири лица се повредени.Им е укажана лекарска помош во Општата болница Сисак каде е констатирано дека се тешко повредени.
При интервенцијата на овој настан со полесни повреди се здобил пожарникар. Медицинска помош им била укажана на две лица, меѓу кои и едно дете, кои биле полесно повредени додека бегале. Во наведениот настан целосно опожарени се две семејни куќи и еден автомобил, а делумно опожарени една куќа и еден автомобил“, соопшти полицијата.
„Кога стигнав таму, видов чад, видов оган, гледам луѓе сите исплашени и ми велат: „Бегај, тој доаѓа, пука во луѓе, гори куќи!“. Ги зедов децата, избегав, ја зедов сопругата и дојдов на безбедно место. Сега се вратив да видам што ќе биде со него и морам да се вратам дома“, рекол еден од сведоците, пренесува Telegram .
„Па, цел живот работев со него, се познаваме, заедно пораснавме, тој е малку постар од мене. Беше малку чуден така, малку психички нестабилен, но токму сега би направил такво нешто…“, додава тој.