Манекенка родена во Украина предизвика контроверзии откако беше крунисана за Мис на Јапонија на натпревар во Токио. Каролина Шино со солзи ја прифати својата круна во Шинџуку, и официјално стана првата личност родена надвор од Јапонија што ја освои титулата Мис на Јапонија.
26-годишната девојка, која се преселила во Јапонија кога имала пет години, додека ја прифаќала наградата изјавила дека се соочувала со „расни бариери“. „Беше предизвик да се биде прифатена како Јапонка“, рече Шино, која не престана да плаче кога водителот ја прозва.
Carolina Shiino, a naturalized Japanese citizen who was born in Ukraine and has lived in Japan since she was 5 years old, won the 56th annual Miss Japan pageant yesterday. pic.twitter.com/a6UIAEsOvc
— Jeffrey J. Hall 🇯🇵🇺🇸 (@mrjeffu) January 23, 2024
„Морав да се соочам со пречки кои често ме ограничуваат да бидам прифатена како Јапонка, па затоа сум исполнета со благодарност што на овој натпревар сум препознаена како Јапонка“, додаде таа. Но, некои пишуваат дека таа навистина не може да биде Мис на Јапонија бидејќи нема јапонско потекло.
Организатори: Зборува и пишува на јапонски
„Таа е 100% чиста Украинка. Разбирам дека е убава, но ова е изборот за Мис на Јапонија“, „На Јапонците им праќа погрешна порака кога личност со европски изглед е прогласена за најубава Јапонка“, се некои од коментарите на социјалните мрежи.
Организаторот на натпреварот Аи Вада изјави за Би-Би-Си дека судиите имаат „целосна доверба“ во изборот на Шино за победник. „Таа зборува и пишува на прекрасен и љубезен јапонски јазик“, рече Вада. „Таа е поголема Јапонка од нас“
Ukrainian-born model, Carolina Shiino, becomes Miss #Japan. She is the first person born outside Japan to win the contest. Shiino was born in Ternopil in 1998. She moved to Japan at the age of 5. Her goal was to “create a society where people are not judged by their appearance” pic.twitter.com/hh51spAJOu
— Kostiantyn Korobov (@Korobov_K) January 24, 2024
Шино претходно се залагаше за себе откако доби јапонско државјанство минатата година, велејќи дека „можеби не изгледа Јапонка, но стана Јапонка растејќи во земјата“. Таа, исто така, стана најстарата личност која некогаш победила на натпреварот.
