Идејата на албанската опозиција да ги условува уставните измени е позитивна, смета универзитетскиот професор, Ќашиф Бакиу. Но, како што вели тешко дека клучните амандмани ќе бидат прифатливи за парламентарното мнозинство. Според него, опозицијата нема доволно моќ за да го попречи процесот и изразува убедување дека ќе биде постигнат компромис со премиерот Заев.
„Мислам дека условувањето е доста позитивно и дека ќе биде извлечен позитивен елемент од амандманите кои се прифатливи. Но, не мислам дека клучните амандмани ќе можат да бидат прифатени за да се обезбеди потребното мнозинство. Не мислам дека опозицијата има моќ да го попречи процесот за да оди докрај, но убеден сум дека ќе има некаков компромис од страна на премиерот Заев во врска со некој од амандманите кои ги предложи опозицијата“, Ќашиф Бакиу – универзитетски професор.
За да поминат уставните измени потребни се 80 гласа од вкупно 120 колку што брои Собранието. Досега сигурни се:
СДСМ:
54 ПРАТЕНИЦИ
ДУИ:
10 ПРАТЕНИЦИ
БЕСА(АФРИМ ГАШИ)
3 ПРАТЕНИЦИ
НДП
1 ПРАТЕНИК
Но, остануваат енигма гласовите на опозициските пратеници.
НЕЗАВИСНА ГРУПА НА ВМРО-ДПМНЕ
8 ПРАТЕНИЦИ
АЛИЈАНСА ЗА АЛБАНЦИТЕ
2 ПРАТЕНИЦИ
БЕСА (БИЉАЛ КАСАМИ)
2 ПРАТЕНИЦИ
Иако досега сѐ уште не успеа да го обезбеди потребниот број гласови, сепак Заев е оптимист дека процесот ќе биде успешен. Тој дури очекува да има над 85 гласови „за“ уставните измени, па затоа почна преговори со албанските опозициски партии и со другите пратеници од македонската опозиција.
РЕПОРТЕР: ЗИМЕР ЈАШАРИ
