Утринава во земјава се измерени ниски температури, при што најстудено било на Попова Шапка со -4 степени. Минусни температури се регистрирани и во Лазарополе (-2) и Маврови Анови, како и во Крушево со -1 степен.
Температури околу нулата и нешто повисоки се измерени во Берово (1 степен), Претор (3), Крива Паланка и Битола (4), Прилеп и Охрид (5), како и во Виница, Куманово, Демир Капија и Тетово со 6 степени. Во главниот град, на Зајчев Рид се измерени 7 степени, додека во Штип, Велес, Скопје-Петровец, Струмица, Кавадарци и Гевгелија утринската температура достигна до 8 степени.
Снежна покривка има на Попова Шапка, каде се измерени 60 сантиметри снег, додека во Крушево има 1 сантиметар.
Во текот на денот времето ќе биде променливо облачно, со повремени слаби врнежи од дожд во западните делови од земјата, а на планините и на повисоките места ќе има услови за слаб снег. Ќе дува умерен, а наместа и засилен ветер од североисточен правец.
Максималната дневна температура ќе се движи во интервал од 8 до 15 степени.
Во Скопје се очекува променливо облачно време со сончеви периоди и слаб до умерен ветер од североисточен правец. Максималната температура ќе достигне до 13 степени.
