Оглас објавен на руската социјална мрежа ВКонтакте покажа дека платеничката група Вагнер бара ентузијасти за видео игри за да станат пилоти на беспилотни летала.
Идеалниот кандидат би бил помеѓу 21 и 35 години, мора да биде во добра физичка кондиција со искуство во компјутерски игри за симулација на летот и да биде навикнат да „седи исправено со часови играјќи“, се вели во огласот.
Додадено е дека искуството во борбени ситуации не е потребно и дека на вработените во Вагнер им се гарантира обука од стручни инструктори, здравствено и животно осигурување, современа опрема и редовна исплата на плата. Износот на платата не е наведен.
„Имам 20 години искуство во Call of Duty. Ќе ме вработите ли?“, напишал еден кандидат.
Регрутерот на Вагнер одговорил: „Дали сфаќаш дека ова не е игра? Би биле во војна“.
Друг рече дека има над 7.000 часа искуство со компјутерска симулација на летот, но има 42 години.
Регрутерот на Вагнер одговори, велејќи дека тој сепак може да аплицира за летање со квадрокоптери како член на блиска борбена единица.