Страшната трагедија што се случи утринава во 8 часот и 40 минути во ОУ „Владислав Рибникар“ во Врачар ја потресе цела Србија. Ученикот (14) бил уапсен веднаш по пукањето во училиштето, во кое упаднал на час по историја и пукал во учениците и наставничката, при што уби осум ученици и еден обезбедувач.
Момчето рано утринава почнало со крвопролевање, убивајќи ги своите жртви една по една, менувајќи ги патроните. Кога завршил, повикал полиција. Кога бил уапсен, тој не пружал отпор и рекол „Јас сум психопат“. Подоцна се дозна дека тој претходно бил на стрелиште со својот татко, а оваа „забава“ ја планирал веќе еден месец. Имаше список и цели, како и план за напад.
Многу познати личности преку медиумите и социјалните мрежи проговорија за пукањето кое се случи во утринските часови. Многу луѓе се збогуваат со децата и портирот кои загинаа во престрелката, додека се молат за побрзо закрепнување на повредените. Голем број граѓани положија цвеќе и запалија свеќи на местото каде што беа изгаснати девет животи.
Да потсетиме, во пукотницата што се случи во основното училиште „Владимир Рибникар“ во Врачар, загинаа осум деца и еден обезбедувач, додека шест деца и еден наставник се ранети на кои им е укажана помош во Ургентниот центар и Тиршова. Шефот на белградската полиција Веселин Милиќ откри дека момчето го планирало масакрот еден месец.