Десетици илјади луѓе демонстрираа во саботата на улиците на израелските градови за да протестираат против контроверзната реформа на судскиот систем промовирана од владата на Нетанјаху.
Околу 150.000 демонстранти се собраа во Тел Авив, според организаторите, и покрај задушливата топлина и влажност.
28th weeks of protests against Israel’s judicial overhaul. Photos from Tel Aviv tonight: Amir Goldstein, Eitan Slonim, Gilad Furst pic.twitter.com/dmCQIkVBo5
— Noa Landau נעה לנדאו (@noa_landau) July 15, 2023
Tel Aviv now! Pro-democracy protest in Israel. pic.twitter.com/DPmPvYxTqA
— Ashok Swain (@ashoswai) July 15, 2023
„Сакаме Израел да остане демократски“
„Ова е битка за земјата, сакаме Израел да остане демократски. Овде нема да поминат диктаторски закони“, изјави 54-годишната демонстрантка Нили Елезра за Франс прес.
Изминатите денови продолжија консултациите во собраниска комисија за да се донесе предлог-законот на конечно одобрување по гласањето во Кнесетот, на датум кој допрва треба да се одреди. Владата на Нетанјаху реформата ја нарекува неопходна, обвинувајќи ги судиите за мешање во одлучувањето во политиката.
Стотици резервисти на израелските воздухопловни сили предупредија дека ќе одбијат да служат доколку биде одобрена реформата на судскиот систем . Повеќе од 1.000 лекари се закануваат и со оставка, тврдејќи дека реформата ќе има негативно влијание врз економијата, демократијата, безбедноста и националниот здравствен систем. Двајца од тројца Израелци стравуваат дека може да избие граѓанска војна во анкета на Канал 12.
Нови демонстрации во вторник
Нови протести се планирани за вторник, а демонстрантите ветија дека ќе ги блокираат патиштата низ земјата.