На социјалните мрежи се појави видео на кое наводно се гледаат вооружените членови на групата која ја нападна косовската полиција како се движат низ планините во непознат правец, а ја пренесоа косовските медиуми.
Како што се наведува во најавите, снимката од дрон е направена од агенцијата Асошиетед прес, а на неа наводно се гледаат напаѓачите на косовската полиција кои се во бегство.
Автентичноста на видеото се уште не е потврдена.
Потсетуваме, косовската полиција во неделата во раните утрински часови беше нападната од група маскирани и вооружени лица, откако органите на редот се обидоа да ги отстранат барикадите поставени во Бањска и Звечан.
Како резултат на конфликтот загинал полицаецот Африм Буњаку, а неколкумина се повредени.
Вооружената група потоа се засолнила во манастирот Бањска, каде се судриле со косовската полиција.
По убиството на нивниот припадник, косовската полиција уби тројца напаѓачи, а неколкумина од нив рани. Шест од нив се уапсени.
🚨 Drone footage of the armed Serbian group hiding in the Monastery and fleeing in the mountains after the terrorist attack against the Kosovo Police.
Source: @AP pic.twitter.com/i64FCErJCQ
— kos_data (@kos_data) September 25, 2023