По 14 години работење, телевизијата Ал Џезира Балканс денеска згаснува.
Основана во 2011 година во Сараево како дел од медиумската мрежа Ал Џезира од Доха, мрежата, покрај покривањето на светските настани, покриваше и настани во балканскиот регион, со канцеларии во Белград, Загреб, Подгорица, Скопјe, Љубљана и Приштина.
„Целиот тим на Ал Џезира Балканс е горд на секој од 4.970 дена што ги поминавме служејќи им на гледачите и читателите. Секогаш сме се обидувале да бидеме гласот на оние чии гласови не се слушаат, остров на вистината, култура на дијалог и етичко новинарство. Не можевме да направиме ништо од ова без вашата доверба и поддршка. Ви благодариме што сте со нас“, се одјави водителката.
