Силно невреме вчера го погоди шпанскиот регион Валенсија, претворајќи ги улиците во реки и покривајќи ги автомобилите со слоеви од градот.
Градовите низ целиот регион беа погодени од ненадејни врнежи од дожд и мраз кои го запреа сообраќајот и ги принудија луѓето да бараат засолниште.
Heavy rains accompanied by hailstorm in Villar del Arzobispo of Valencia province, Spain 🇪🇸 (08.05.2025) pic.twitter.com/5XUhA2czoB
— Disaster News (@Top_Disaster) May 8, 2025
Драматични сцени на улиците
Драматичните снимки од социјалните мрежи покажуваат како градот и поројниот дожд однесоа се пред себе.
Улиците се претворија во потоци или реки, додека автомобилите останаа затрупани под мраз, а тротоарите изгледаа како да се покриени со снег.
The hailstorm fell in Villar del Arzobispo of Valencia province, Spain 🇪🇸 (08.05.2025)pic.twitter.com/zudplEAXek
— Disaster News (@Top_Disaster) May 8, 2025
Повеќето луѓе останаа во затворени простории, додека на патиштата останаа само затрупани автомобили и купишта мраз.
Најзагрозени места беа Гувадасекијес, Каљес, Виљар дел Арсобиспо и л’Ољерија, каде слоевите на градот беа толку дебели што делумно ги покриваа возилата.
Во интервенцијата учествуваат околу 1.000 припадници на итната помош кои ги отстрануваат штетите и ги чистат патиштата.
Cars stuck on the road after strong hailstorm in Villar del Arzobispo, Valencia, Spain pic.twitter.com/LK6ms4pjAt
— Disasters Daily (@DisastersAndI) May 8, 2025
Регионот сè уште се опоравува од минатогодишната катастрофа Валенсија, популарен туристички регион каде вообичаено се очекува топло време во овој период од годината, сè уште се справува со последиците од претходните временски екстреми – околу 2.000 луѓе сè уште се раселени поради невремето на крајот на 2024 година.
Во октомври 2024 година, Валенсија беше погодена од разорна бура што предизвика катастрофални поплави и однесе 228 животи. Тоа беше една од најсмртоносните природни катастрофи во поновата историја на Шпанија, а нејзините последици се почувствуваа неколку месеци подоцна, со илјадници раселени луѓе и голема материјална штета.
Да потсетиме, на крајот на април Шпанија и Португалија претрпеа голем прекин на електричната енергија, поради што сообраќајот, болниците и аеродромите беа во застој.
