Американскиот претседател Доналд Трамп, за време на гостувањето во Фокс њуз, се пофали дека „решава војни“, наведувајќи го конфликтот меѓу „Албанија и Азербејџан“ како пример.
Зборувајќи за „нерешливата војна“, Трамп рече дека успеал да ја реши војната меѓу Албанија и Азербејџан со тоа што ја помешал балканската земја со Ерменија.
Тој рече дека оваа војна траела многу години, но дека тој и водечките луѓе од овие земји постигнале мир велејќи им да „се прегрнат“ и да „се помират“.
„Јас решавам војни што беа нерешливи. Ах, Азербејџан и Албанија. Тоа траеше многу, многу години. Имав премиери и претседатели во мојата канцеларија. Седеа толку далеку еден од друг. Една столица беше тука, друга таму. Реков: „Луѓе, приближете се. Ајде.“ Тој рече: „Знаете, се борам“, рече еден. И двајцата се одлични момци. Тој рече: „Се борам 22 години. Ги убивам неговите луѓе 22 години.“ Тој е таму 22 години. Другиот е таму седум години. Тој рече: „Ги убивам нивните луѓе седум години“. Јас реков: „Ајде да се прегрнеме и да се смириме“. И, сепак, го решивме проблемот“, гордо изјави американскиот претседател за „Фокс њуз“.