Министерството за дигитална трансформација соопшти дека веб-страниците на Владата и министерствата биле навремено заштитени од критичните безбедносни ранливости во програмскиот јазик PHP, поради кои привремено биле исклучени бројни владини интернет-страници во Европа и светот.
Како превентивна мерка, привремено бил блокиран надворешниот веб-сообраќај кон засегнатите системи, со цел да се спречи евентуално искористување на безбедносните пропусти.
По блокирањето, надлежните служби извршиле проверки на софтверските верзии, инсталирале безбедносни закрпи и ажурирања, а дополнително биле проверени функционалноста и безбедноста на веб-сервисите.
Од Министерството објаснуваат дека преземените мерки имале цел да го намалат ризикот од неовластен пристап, извршување злонамерен код и евентуално преземање контрола врз владините веб-сервери.
„Според досегашните проверки, не се утврдени индикации за успешно искористување на наведените ранливости или за компромитирање на веб-страниците на Владата и министерствата“, соопшти Министерството за дигитална трансформација.
И покрај тоа што досегашните проверки не откриле успешен напад, надлежните продолжуваат со засилено следење на потенцијалните сајбер-закани.
Преку Секторот за сајбер-безбедност и владиниот тим за одговор на компјутерски безбедносни инциденти, МКД-ГОВ-ЦСИРТ, се спроведува континуирана анализа на безбедносните настани, системските записи и можните индикатори за компромитирање на информациската инфраструктура.
Од Министерството нагласуваат дека заштитата на владината дигитална инфраструктура останува приор