ВМРО-ДПМНЕ врати со соопштение на реакцијата на СДСМ, обвинувајќи ја дека токму таа е партијата која прави раздор и дава лажни ветувања.
„Единствениот политички субјект кој континуирано делува правејќи раздор помеѓу граѓаните е СДСМ. СДСМ со лажни ветувања и манипулации, непочитување на правните процедури и насилничкото однесување прави поделба помеѓу граѓаните.
Одродената и криминална власт на чело со аболицираниот Заев не ја испочитува волјата на граѓаните искажана на референдумот кога мнозинството на граѓани беа против промената на името на државата, против промена на Уставот, идентитетот, историјата и јазикот.
Не го слушаат ни сега кога граѓаните од сите етнички заедници велат, нам не ни требаат празни флоскули и законски решенија, нам не ни треба двојазичност нам ни треба животот кој го ветивте. Граѓаните од сите етнички заедници ја бараат ветената просечна плата од 500-тини евра, тие го бараат ветениот раст на БДП од над 5 проценти, намалени давачки кон државата и враќање на парите назад кај граѓаните. Тие бараат да се вратат нивните најблиски назад во Македонија.
Наместо живот граѓаните, Македонци, Албанци, Турци, Роми, Срби, Власи, Бошњаци и сите други добија повисоки даноци и давачки кон државата, повисока акциза за нафтата, Закон за зелени пазaри кои ќе остави голем број пазарџии без парче леб. Црнилата кои тие ги донесоа се за сите граѓани без разлика на етничката или верската припадност, уништувањето на правната држава и укинувањето на владеењето на правото е на штета на сите. Така што и зората ќе биде заедничка за сите граѓани, зората која ќе ги порази црнилата и ќе го испрати Заев во политичка пензија“, враќаат од ВМРО-ДПМНЕ.
