Балкан

Во БиХ запленети 40 килограми канабис кои пристигнале преку пристаништето Плоче

Во БиХ запленети 40 килограми канабис кои пристигнале преку пристаништето Плоче

Полицијата во Босна и Херцеговина запленила 40 килограми дрога која во земјата пристигнала преку пристаништето во Плоче, а операцијата е спроведена во соработка со Министерството за внатрешни работи на Хрватска, потврдија од Државната агенција за истраги и заштита на БиХ (SIPA).

Полициската рација, во која е запленета дрогата, е спроведена во вторник по налог на Судот на БиХ, а уапсени се девет лица.

Претреси и апсења биле извршени во Чапљина, Кнежево, Теслиќ, Лакташи, Бања Лука, Зворник и на подрачјето на дистриктот Брчко.

При претрес на станбени и помошни објекти и подвижни предмети, полициските службеници на SIPA откриле и привремено одзеле 40 килограми опојна дрога Cannabis Sativa L, која од пристаништето Плоче, Република Хрватска, во Босна и Херцеговина била пренесена во товарно возило што го користело едно од уапсените лица, појаснија од SIPA.

И покрај тоа што во акцијата биле вклучени повеќе полициски агенции од БиХ, од SIPA истакнаа дека ова е уште еден пример на успешна прекугранична соработка во сузбивање на криминалот.

„Оваа акција претставува уште еден пример на ефикасна регионална полициска соработка и партнерство со полициските органи за спроведување на законот од Република Хрватска во борбата против транснационалниот организиран криминал“, наведоа тие.

Ноќно студио

Најнова епизода

Дали системот реагира навреме? Ноќно студио со обвинителката Спасенка Андонова

Сите епизоди →
Имате вест, приказна или проблем? Пишете ни