Поголемо количество на злато е откриено во југозападна Данска.
Имено, станува збор за едно од најголемите вакви пронаоѓања во оваа земја, односно дури 22 златни предмети за кои се претпоставува дека датираат од 6 век.
Тие биле откриени од археолог – аматер во близина на градот Јелинг.
Од Mузејот на Вејле, каде што треба да се изложи богатството, велат дека аматерот Оле Гинеруп Шиц неодамна набавил детектор за метал и се движел по околните полиња, пред да го најде златото.
Историчарите веруваат дека наоѓалиштето е дел од комплексот на кралевите од Викиншката ера меѓу 8. и 12. век, но е, можеби, два века постаро од неа.
„На една чинија, која тежи речиси еден килограм, има и неколку симболи, од кои некои сѐ уште се непознати. Тоа ќе овозможи да се дознае повеќе за овој период пред Викиншката ера“, смета Мадс Раун, директор за истражувања во Музејот на Вејле.