Осум турски полицајци се ранети при експлозија на автомобил-бомба во југоисточната провинција Дијарбакир, изјавија безбедносни извори за Ројтерс.
Експлозивната направа била поставена во автомобил паркиран покрај патот. Избувна синоќа кога полицајците поминаа покрај неа со нивното комбе додека се движеше по автопат.
Местото на експлозијата се наоѓа на околу 10 километри јужно од центарот на најголемиот истоимен град во округот Дијарбакир.
Засега никој не ја презел одговорноста за експлозијата.
Курдски, левичарски и исламистички милитанти извршија бомбашки напади во Турција во минатото.