Хрватскиот град Сплит објави дека денес стапува на сила одлуката за ограничување на продажбата на алкохолни пијалоци и други пијалоци што содржат алкохол низ целиот град.
Со одлуката се забранува продажба на алкохолни пијалоци во сите малопродажни објекти во Сплит од 1 јуни до 15 септември, секојдневно од 21:00 до 06:00 часот.
„Мерката се усвојува во интерес на заштитата на јавното здравје, јавниот ред, културното наследство и животната средина, со цел намалување на нарушувањето на јавниот ред, бучавата и загадувањето на јавните површини поврзани со консумирање алкохол во текот на ноќта за време на туристичката сезона. Градот Сплит им се заблагодарува на сите деловни субјекти и граѓани кои, почитувајќи ја Одлуката, ќе придонесат за остварување на неговите цели, во корист на целата локална заедница“, соопшти Градот Сплит.