Едно од омилените кучиња за спасување во Мексико, кое беше испратено во Турција за да помогне во спасувачките операции таму, почина во потрага по преживеани под урнатините. Тој спасил повеќе од 10 луѓе.
„Длабоко жалиме за загубата на нашиот голем придружник, кучето Протео“, објави мексиканското Министерство за национална одбрана на Твитер во неделата.
„Ја исполнивте вашата мисија како член на мексиканската делегација во потрагата и спасувањето на нашите браќа во Турција. Ви благодариме за херојската работа“, се вели во соопштението на Министерството објавено на Твитер.
Министерството не соопшти како кучето починало. Во објавите на Твитер пишуваат дека загинал при потрагата по две лица под урнатините. На задачата во Турција нашол најмалку 10 луѓе, според некои извештаи и 15.
Протео беше едно од 16-те кучиња трагачи испратени од Мексико во Турција минатата недела за да помогнат во операциите за пребарување и спасување по разорниот земјотрес.
„Срцето на нашиот спасувачки тим моментално лета за Турција“, напиша во вторникот на Твитер мексиканскиот министер за надворешни работи Марсело Ебрард.
🇹🇷🇲🇽 Mexican rescue dog #Proteo died of exhaustion during rescue activities in #Turkey
According to the testimonies he helped rescue at least two individuals
A picture of his last rest before he goes in peace
Thoughts to all the heroes from around the world#earthquaketurkey pic.twitter.com/s29BGdSaky— Aminollah Faisal (@AminollahFaisal) February 12, 2023
Мексико, кое има редовни земјотреси поради својата тектонска средина, е добро познато по своите високо обучени и специјализирани кучиња за пребарување и спасување.
Memorial ceremony was held for the Mexican search & rescue dog Proteo in Türkiye.
Proteo passed away while trying to save 2 people under the rubble. pic.twitter.com/qWqkDXfWxB
— Clash Report (@clashreport) February 12, 2023