Се урна тајвански авион за обука, при што загина пилотот , соопшти Министерството за одбрана. Ова е втор фатален инцидент што го претрпе военото воздухопловство на островот во 2022 година.
Министерството соопшти дека АТ-3 се урнал за време на тренинг мисија во воздухопловната база Ганшан во јужниот град Каосиунг, а телото на пилотот веќе било пронајдено. АТ-3 е напреден авион за обука развиен во земјата , кој прв пат полета во 1980 година и може да носи оружје. Претседателката Цаи Јингвен е „длабоко тажна“ поради загубата и му наложи на Министерството за одбрана да истражи што се случило, соопшти нејзиниот кабинет.
Во март, борбен авион Мираж 2000 се урна во морето кај југоисточниот брег на островот, вториот борбен авион изгубен за три месеци. Пилотот бил спасен жив.
Во јануари, воздухопловните сили ја прекинаа борбената обука на своите Ф-16 откако неодамна надградениот модел на ловецот се урна во морето, при што загина пилотот.
Кон крајот на 2020 година, Ф-16 исчезна набргу по полетувањето од воздухопловната база на источниот брег на Тајван за време на рутинска мисија за обука.