Двајца вооружени лица отворија оган на плажата Бонди, при што има повеќе жртви.
Мештаните пријавиле дека слушнале истрели околу 18:50 часот во неделата, поради што стотици луѓе избегале од плажата додека полицијата се упатила кон местото на настанот.
На снимките направени од локалното население се гледаат двајца мажи облечени во црно и пукаат од нешто што личи на пушки од врвот на пешачкиот мост зад клубот за сурфање.
Полицијата на Нов Јужен Велс потврди дека две лица се приведени, но ги повика локалните жители да се држат подалеку од областа додека реагираат на инцидентот.
Полицијата во австралиската држава Нов Јужен Велс реагира на безбедносниот инцидент на познатата плажа Бонди во Сиднеј и ги повикува граѓаните да ја избегнуваат таа област.
„Секој што е на местото на настанот треба да се засолни внатре. Полицијата е на местото на настанот и повеќе информации ќе бидат објавени штом ќе станат достапни“, се вели во соопштението на полицијата на Нов Јужен Велс.
Ројтерс објави изјава од портпаролот на австралискиот премиер Ентони Албанезе, во која се наведува дека федералната влада е запознаена со ситуацијата. „Свесни сме за активната безбедносна ситуација во Бонди. Ги повикуваме сите луѓе во близина да ги следат упатствата на полицијата на Нов Јужен Велс“, се вели во соопштението.
