Полицаец и случаен минувач извлекле возач од излетан автомобил неколку секунди пред возилото да се запали.
Инцидентот се случил во петокот попладне во Лас Вегас. Возачот изгубил контрола над автомобилот и удрил во палма.
Најпрвин луѓето кои биле сведоци на несреќата залудно се обидувале да ги отворат вратите од автомобилот. Конечно, еден од нив успева да ја отвори возачката врата, кога во акцијата за спасување интервенира полицаец.
Двајцата успеале заедно да ја отворат возачката врата и да го извлечат мажот на безбедно. Веднаш потоа автомобилот се запалил.