Деблокада на сметката за да може фабриката непречено да работи. Вработените од велешка „Колска“ на протест пред Владата. Бараат средба со премиерот или со вицепремиерот за да добијат одговор – кој е нивниот план – дали фабриката ќе продолжи со работа или и се заканува ликвидација.
Вработените објаснуваат дека сметката на фабриката е блокирана девет месеци поради неплатен данок, поради што 70-тина луѓе стравуваат за својата егзистенција. Велат, не бараат зголемување на платите, туку начин да си ја заработат платата.
Фабриката за шински возила „Колска“ е единствена од ваков вид во земјава, а порано беше дел од Македонски железници. Во моментот во работилницата има 25 товарни и еден патнички вагон кои чекаат репарација. Ако тоа не се направи до Нова година се доведува во опасност понатамошната работа на претпријатието, велат вработените.
Анита Димитријевска Велковска