Вработените во администрацијата и правосудството ја прекинаа работата

Администрацијата и вработените во правосудството денеска ја прекинаа работата по повод најавениот двочасовен прекин. Тие денеска и утре нема да работат од 10 до 12 часот поради барања за исплата на минимална плата, како и линеарно зголемување на останатите плати. Претседателот на УПОЗ, Трпе Деановски денеска на прес конференција посочи дека после овие два дена повторно ќе седнат и ќе разговараат со членовите. „Нема да дозволиме ниту еден вработен да биде казнет и да не биде засегнат со плата“, додава тој. Тој порача дека во нивниот дел се опфатени 13 илјади вработени. Според најавите на Синдикатот на управата, правосудството и здруженија на граѓани (УПОЗ), ќе се протестира во сите оние институции каде имаат синдикални организации, како што се министерства, агенции, фондови, управи и судови.