Претседателот на Србија, Александар Вучиќ денеска изјави дека верува оти ќе се реши проблемот со бугарската транзитна такса за гас што Србија го увезува.
Вучиќ, одговарајќи на новинарски прашања на отворањето на зградата на станицата на железничката станица „Прокоп“ во Белград, рече дека верува „дека заедно со нашите бугарски пријатели ќе успееме да решиме се“.
„Има договори кои се недвосмислени. Тоа е се што можам да кажам во овој момент“, изјави Вучиќ.
На прашањето да ја коментира изјавата на пратеникот во Европскиот парламент, Клемен Грошељ, „дека можни мерки“ против Владата на Србија, доколку се докаже нејзината директна вмешаност во вооружениот напад врз косовската полиција во Бањска на 24 септември, „ не би биле насочени кон граѓаните на Србија“, рече Вучиќ дека „мора да разбереме дека тие така гледаат на работите“.
Вучиќ рече дека „што се однесува до правата“, „би се срамел“ доколку е во позиција на оние кои донеле таков заклучок.
Зборувајќи за новата зграда на железничката станица „Прокоп“, тој рече дека во нејзина близина сигурно ќе има нови инфраструктурни работи, дека таму ќе доаѓаат компании од „Телеком“ до „Дунав осигурување“ и дека овој дел ќе претставува „некои нов центар на градот“, како што е населбата Белград на Вода.