Премиерот на Македонија Зоран Заев рече дека прифаќа ТВ дуел со лидерот на ВМРО-ДПМНЕ Христијан Мицкоски, но само доколку претходно се изјасни за Договорот од Преспа и за членството на Македонија во ЕУ и НАТО. Ако не е за тоа, треба јасно да каже која е алтернативата според него.
„Подготвен сум во секое време и на секое место да дебатирам со Мицкоски. Меѓутоа чесно е тој да го каже прво својот став дали е за членство на Македонија во ЕУ и НАТО и дали го поддржува Договорот од Преспа. Доколку не е, тогаш нека ја каже алтернативата. Потоа нека го избере медиумот, денот и терминот. Јас сум подготвен на соочување. Тоа е демократски чин“, изјави Премиерот по денешната национална конференција за децентрализација.
Се вчитува...
