Претседателот на Владата на Република Македонија Зоран Заев, денеска до Собранието достави предлог за разрешување на министрите и именување на нови.
Неофицијално станува збор за разрешување на министрите без ресор Аксел Ахмедовски и Аднан Ќахил од нивната функција.
Ахмедовски беше министер без ресор задолжен за имплементацијата на Стратегијата за подобрување на состојбата на Ромите, и на негово место премиерот го предложил Музафер Бајрам.
Аднан Ќахил, пак, беше министер без ресор задолжен за странски инвестиции, а за негов заменик бил предложен Елвин Хасан.
Од Владата на РМ не кажаа за кои министри станува збор, туку само дека има испратено предлози за разрешување и именување на министри до Собранието.
„Предлози за разрешување и именување министри се испратени до Собранието на Република Македонија, и се очекува утре да бидат на дневен ред“, вели владиниот портпарол Миле Бошњаковски.
