Извештајот за состојбата со човековите права во Русија, објавен на 12 август од страна на американскиот Стејт департмент, се состои од неосновани обвинувања против Москва, изјави денес официјалната претставничка на руското Министерство за надворешни работи, Марија Захарова.
„Го привлековме вниманието кон овој извештај, кој презентира, благо речено, неосновани обвинувања против нашата земја. Апсурдните инсинуации за наводни воени злосторства и злосторства против човештвото, тортура и нелегални убиства на украински граѓани, присилна депортација на Украинци во Русија и користење на деца во вооружени конфликти од страна на руските вооружени сили и официјални претставници на руската држава се особено збунувачки“, рече Захарова.
Таа изрази очекување дека подобрувањето на курсот на американската надворешна политика под водство на американскиот претседател Доналд Трамп порано или подоцна ќе резултира со напуштање, како непотребно, на плаштот на глобалниот чувар на човековите права што Вашингтон се обидуваше да го спроведе во претходните децении.
Захарова: Неосновани американски обвинувања за состојбата со човековите права во Русија
