Украинскиот претседател Володимир Зеленски во својот говор во јужнокорејскиот парламент изјави дека санкциите воведени кон Русија не се доволни. Тој нагласи дека им е потребна поголема помош за да преживеат.
Тој рече дека руските ракети сериозно ја оштетиле инфраструктурата на стотици населени места.
Потенцирајќи дека најлоша е ситуацијата во Мариупол, тој рече: „Десетици илјади луѓе беа убиени во градот“.
Тој изјави и дека залихите со храна не можат да влезат во градот. Зеленски рече дека Русија се подготвува за поголем напад и дека собрала десетици илјади војници.
Тој посочи и дека Русија нема сама да застане, и дека мора да биде принудена.