Земјотрес со јачина од 3,6 степени според Рихтер регистриран во Албанија.
Епицентарот на земјотресот бил на 4 километри југозападно од Либражд- Центар, на длабочина од 15 километри.
Земјотресот е почувствуван и на територија на Македонија.
Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот факултет во Скопје, денес 08.02.2024 година во 6 часот и 32 минути регистрираше земјотрес чиј епицентар се наоѓа 130 km југозападно од Скопје, во соседна Република Албанија, со Рихтерова локална магнитуда ML3.6.
Според досегашните податоци со кои располага опсерваторијата, земјотресот е почувствуван во југозападниот дел од Републиката и тоа во Охрид и Кичево со интензитет од III степени според Европската макросеизмичка скала.
