Земјотрес со јачина од 5,8 степени според Рихтеровата скала го погоди Чиле. Земјотресот се случил на длабочина од 19 километри, со епицентар во близина на централниот чилеански регион Био Био, јави БТА.
Засега нема извештаи за повредени лица или материјална штета, ниту пак е издадено предупредување за цунами .
Чиле се наоѓа во таканаречениот Огнен прстен на Пацификот – најсеизмичкиот регион на Земјата. Земјата периодично ја потресуваат земјотреси, од кои некои се смртоносни.
Претходно, земјотрес со јачина од 4,6 степени беше регистриран и кај Тајван, кој се наоѓа на другата страна на Огнениот прстен на Тихиот Океан. Земјотресот се случи на длабочина од 16,5 километри од ретко населениот источен брег на Тајван и едвај се почувствува на островот.
А во петокот во Калифорнија е регистриран земјотрес со јачина од 3,4 степени.