Џанг Јажоу е девојка од Кина која ја тужеше светски познатата компанија Тесла поради несреќата во која тешко беа повредени нејзините родители, а сето тоа заврши со тоа што сега мораше да им плати отштета.
Оваа несреќа се случи во 2021 година во централната кинеска провинција Хенан. Родителите на Џанг доживеале потрес на мозокот и поминале неколку дена во болница, додека таа и бебето биле неповредени.
Сообраќајната полиција утврдила дека за несреќата е виновен нејзиниот татко бидејќи не држел безбедно растојание. Џанг, сепак, инсистираше на тоа дека сопирачките откажале. Нејзината единствена цел била да открие како автомобилот од соништата може да се претвори во кошмар.
Таа поднела жалба до локалниот регулатор на пазарот, барајќи враќање на парите и компензација. Автомобилите на Тесла се меѓу најкомпјутеризираните автомобили на пазарот, па Џанг побара од производителот на автомобили да ги предаде сите податоци од нејзиниот автомобил пред несреќата, надевајќи се дека тоа може да помогне да се објасни што тргнало наопаку. Тесла одби.
По неколку јавни настапи за барање информации од Тесла, Џанг доби тужба од компанијата за „ширење лажни информации“ во која бара отштета од 684.000 долари. Случајот, кој судот го покрена во октомври 2021 година, следеше кога Тесла се соочи со бројни критики во Кина.
Јавно извинување плус 23.000 долари
Нејзиниот протест предизвика редок излив на критики за Тесла во кинеските медиуми. Под притисок на регулаторите, тие конечно ги објавија податоците и рекоа дека нејзиниот татко возел со речиси 120 километри на час и дека сопирачките работеле на тој начин за да се намали сериозноста на несреќата.
Тесла конечно и го дал на Џанг тоа што го барала, но тие ја објавиле информацијата и го вклучиле нејзиниот идентификациски број на возилото.
Џанг ги загуби двата случаи што ги покрена против Тесла. Тужбата за клевета против неа била успешна затоа што таа не можела да докаже дека всушност и откажале сопирачките. Судот и нареди јавно да ѝ се извини на компанијата и да плати отштета и судски трошоци во износ од 23.000 долари.