Мрачната драма „Џокер“ за потеклото на тој злобен лик освои Златен лав на филмскиот фестивал во Венеција, додека воената драма на Роман Полански „Офицер и шпион“ доби Сребрен лав.
Режисерот на победничкиот филм Тод Филипс им се заблагодари на продуцентите што имале сила да излезат од зоната на комфорот, но исто така и на актерот Хоаким Феникс за неговиот „луд талент“.
Наградата за најдобра актерка и припадна на Французинката Аријана Аскарида за улогата во филмот „Глорија мунди“, а наградата за најдобар актер му припадна на Италијанецот Лука Маринели за неговата улога во „Мартин Идн“.