Градоначалникот на Киев упати повик до европските земји да ги прекинат сите деловни врски со Русија бидејќи доказите за убиства на цивили околу главниот град на Украина продолжуваат да се зголемуваат.
Во моментов, повеќето европски земји продолжуваат да им плаќаат на руските енергетски компании големи суми пари – за кои Украина вели дека придонесуваат за војната, а за кои градоначалникот Кличко вели дека се „крвави пари“.
Рускиот гас сочинува околу 40 отсто од увозот на природен гас во ЕУ, но блокот вели дека работи на намалување на неговата зависност. Доколку се запре ова снабдување, Италија и Германија би биле особено ранливи.
Русија обезбедува околу 5% од испораките на гас на ОК, а САД – кои прогласија целосна забрана за увоз на руска енергија – не увезуваат гас од земјата.