„Зошто жена да го глуми Џејмс Бонд кога може да има нов лик“, вели Даниел Крејг

Следната година се навршуваат 60 години од првиот филм за Џејмс Бонд.

Се работи за високобуџетниот серијал, тогаш со Шон Конери во водечката улога, а Даниел Крејг е шестиот актер што ја презеде истата улога пред околу 15 години.

Тој повторно ќе се појави во филмот „Не е време за умирање“ (No Time to Die), а обожавателите на „007“ ќе можат по петти и (веројатно) последен пат да го видат во оваа веќе култна улога.

По овој повод, Крејг проговори и за можноста во иднина овој британски агент да го глуми девојка.

„Зошто жена да го глуми Џејмс Бонд кога може да има нов лик, исто толку добар како Џејмс Бонд, но – жена?!“, праша Крејг.

Според шпекулациите, токму актерката Лашана Линч некои ја гледаат во главната улога на следниот, односно 26-тиот филм за „007“.

Таа е, инаку, главната „Бонд девојка“ во годинашниот 25. филм од серијалот, којшто излегува на 8 октомври.

Сличен став, дека Џејмс Бонд не треба да го глуми жена, туку треба да се создаде нов женски лик, пред извесно време имаше и Барбара Броколи – сегашната главна продуцентка на овие филмови.

Инаку, за наследник на Даниел Крејг е сметан и Реџе-Жан Пејџ, но самиот тој засега ги демантира тие гласини.