Тешка сообраќајна несреќа со смртни последици се случила вчера попладне на регионалниот пат Меџитлија – Старавина, каде животот го загубил 42-годишен жител на битолското село Новаци.
Според информациите, Д.Ј.(42) управувал мопед со битолски регистарски ознаки. Во еден момент, од засега непознати причини, тој изгубил контрола над возилото и излетал надвор од коловозот.
Од здобиените повреди, мопедистот починал на местото на несреќата. Смртта ја констатирал лекар од Итната медицинска помош.
Увид на местото извршила екипа од СВР Битола, а дополнително се утврдуваат околностите под кои дошло до несреќата.