И во текот на овој месец Пекабеско, како општествено-одговорна компанија, се приклучи на проектот „Волонтираме за солидарно општество“.
Проектот е под покровителство на претседателот Стево Пендаровски, а се реализира заедно со здруженијата „Љубезност“ и „Проект Среќа“, како и со волонтери од партнерски организации.
Покрај Пекабеско, во оваа активност се вклучија и Макпрогрес, Рамстор, Алкалоид, Виталија, Тинекс и ЕВН Македонија, а беа доделени хуманитарни пакети со прехрамбени производи, средства за лична хигиена и за одржување на домаќинствата наменети за поддршка на граѓаните од најранливите категории кои се во социјален ризик, погодени од кризата предизвикана од пандемијата на коронавирусот.